logo s2

ГОД ПАМЯТИ И СЛАВЫ

ФИЛАРМОНИЯ VK

 

 

Лето 1990г телестудия Вера Кыргысовна Норбу


Вера Кыргысовна Норбу

ДУРУЯА

Хөгжүмү Владимир Токаныы

Сөзү Шаңгыр-оол Суваңныы

 

Ак-көк дээрде дуруяа

Алгырып ужуп чору.

Ыыдын дыңнаарымга,

Ындынналып мунгараан.

 

Э-эй, дуруяа,

Эжиң кайыл?

Кады чорааш,

Канчап чарылдыңар?

 

Чечектиг шыкче чазын

Четтиништир кылыйтып,

Эжиң-биле, дуруяа,

Эглип-чанып келдиң чоп.

 

Күскү соокка сүрдүргеш

Чылыг чүкче ужуптуң.

Өңү оңган күскү шык

Өскүссүреп артып кагды.







Тамара Самыяевна Ондар
Тамара Самыяевна Ондар

Романстың сөзүнүң автору Тываның улусчу чогаалчызы, Россияның чогаалчылар эвилелиниң кежигүнү Суваң Шаңгыр-оол Монгушевич мынча деп сактыр: «…1980 чылдарның ортузунда Тываның хөгжүм-шии театрының аныяк артизи Тамара Ондарның уран-талантызы кыптыгып эгелеп чорааш, аар аарыгдан чок болганы ооң мөгейикчилеринге аар согуг болган. Мен база оларның санынга турган мен.



Владимир Салчакович Тока
Владимир Салчакович Тока

Чыл эрткенде меңээ композитор Владимир Тока кээп, Тамара Ондарның чырык адынга тураскааткан кежээге ыры сөстери херек, дузалап көр дээн. Мен база чоок кижилерим чидирип, аныяамда-ла ада-ием чок болган болгаш, 3-4-ле хонук ишти «Дуруяаның» сөстерин бижипкен мен. Харалаан, чер чорупкан болгаш ол кежээге баар харыым чок болган. Мээң сөстеримге бижиттинген ырыны дыңнааш, улус ыглажып орган дээр чораан. Ындыг болбас аргазы чок, ол ырыны сеткилимден үнүп турар кылдыр бижээн мен».


Шангыр-оол Суван Монгушевич


Шангыр-оол Суван Монгушевич

Мен Кызылдың уран-чүүл училищезиниң ыр салбырының 2 дугаар курузунуң сургуулу турумда башкым, ТР-ниң культуразының алдарлыг ажылдакчызы Серафима Андреевна Калинина, «Дуруяа» деп романсты өөренири-биле меңээ берген. Ыр дораан-на мээң сеткилимге кирген, таарзына берип, амдыгаа дээр мээң репертуарымдан дүшпейн чоруур.


Серафима Андреевна Калининина
Серафима Андреевна Калининина
1999 чылда «Кипрге опера хүннери» деп «Тюрксой» бүгү-делегей организациязының эрттирип турганы фестивалынга «Дуруяа» деп романс-биле Тываны бараалгаткан мен. А түңнел концертке Джакомо Пуччининиң «Баттерфляй-агай» деп операзындан Чио-Чио-Санның ариязын ырлаар турган мен.



Ынчалза-даа фестиваль эрттирикчилери бир хүн бурунгаар «Дуруяаны» ам база катап ырлап бээрин дилээннер. Тыва романс ол хире оларның сеткилинге кирген боорга, бодумнуң ынак ырымны ийи дугаар ырлап берген мен. Ынчаар-ла «Дуруяа» Чер-ортузу далайга чедир ужуп, ийи катап күүсеттинер күштүг болган.


Бо романстың бирги күүседикчизи, ам бистиң аравыста чок, ТР-ниң алдарлыг артизи, В. Тока аттыг симфониктиг оркестрниң ыраажызы чораан Вера Кыргысовна Норбу. Ол бо романсты меңээ күүседирин чагып берген кижи. Ооң йөрээлиниң күжү-биле «Дуруяа» мээң ыраажы арным апарган деп болур. Салым-чолумга болгаш романстың авторлары: Тываның улустуң артизи, композитор Владимир Салчакович Токага, Тываның улустуң чогаалчызы Шангыр-оол Монгушевич Суваңга улуг өөрүп-четтиргенимни илередип чоруур мен.

Софья Кара-оол-Дулуш,

ТР-ниң улустуң артизи.




ФИЛАРМОНИЯ в социальных сетях

mizhnarodniy logotip vk

yt logo

fb flogo blue broadcast 2

Устуу-Хурээ в социальных сетях

https://vk.com/ustuhure

уг логотип

фб flogo синий вещания 2

Instagram v051916 200

Филармония Контакты

 

Телефон: +7 (394-22) 2-15-20

E-mail: Этот адрес электронной почты защищён от спам-ботов. У вас должен быть включен JavaScript для просмотра.
Адрес: 667000, Республика Тыва, г. Кызыл,
ул. Щетинкина-Кравченко 58

Об использовании информации сайта

При цитировании или перепечатке материалов сайта, ссылка на www.tvgf.ru обязательна.
® 2011 - 2020 , ♪Тувгосфилармония им. В.М. Халилова♫

Яндекс.Метрика