logo s2

ФИЛАРМОНИЯ VK

 

 


Февраль 17-де Тываның В.М.Халилов аттыг күрүне филармониязынга Моолдуң өөредилгезиниң хүндүлүг ажылдакчызы, Тываның уран-чүүлүнүң алдарлыг ажылдакчызы, россияның болгаш делегей чергелиг конкурстарының тиилекчизи, республиканың Р. Кенденбиль аттыг уран-чүүл школазының хылдыг хөгжүм башкызы Бат-Очир Ариунтуяа бодунуң мугур хар харлаан оюн таварыштыр чогаадыкчы кежээзин эртирген.

Моол омактыг Ариунтуяа Бат-Очир-биле Данзан Амарсанаа, Тыва Республиканың культура яамызының чалааны-биле, 2008 чылдаТывага келген. Оон эгелээш, Республиканың Р.Кенденбиль аттыг уран-чүүл школазынга, бо үеге чедир башкылап ажылдаан түңнелинде, сургуулдары Россия чергелиг конкурстарның каш удаа тиилекчилери болган.

Тываның күрүнениң симфониктиг оркестриниң аскап турган байдалын, бо моол башкыларывыстың ачызындан эде тыртып, хылдыг хөгжүм ойнакчыларын өөредип ап турарывысты маңаа демдеглевес аргажок. Оркестрниң хылдыг-хөгжүм ойнакчылары, наза-хары улгадып, чырык өртемчейден чарлып чорутканы-биле, кижи артпаан турган.

Кежээниң киржикчилери республиканың урун-чүүл школазының сургуулдары болгаш башкылары, тываның алдарлыг артизи Эльвира Докулак, Россияның уран-чүүлүнүң алдарлыг ажылдакчызы Валерий Ондар, Бат-Очир Ариунтуяа-биле Данзан Амарсанааның өөреникчилериден тургустунган «Мөнгүн хылдар» деп ансамбль, В.Тока аттыг симфониктиг оркестр, алдарлыг «Ят-Ха» бөлүү көрүкчүлерге чараш аялгаларын, ырыларын бедик деңнелге күүседип бараалгаткан.

Кежээни өттүр Дворжак, Чайковский, Рахманинов, Сен-Санс, Айвазян, Танов дээш өске-даа делегей чергелиг композиторларның классиктиг уран-чогаадыгларын көрүкчүлер дыңнаар аас-кежиктиг болган. Классиктиг аялгадан аңгыда, амгы үениң билдингир «Игра престолов» деп киночуруктан аялганы, виолончель ойнакчыларындан ансамбль чедимчелиг күүсеткен. База бир, хөгжүмге солун, чаа дилээшкинни Ариунтуя «Ят-Ха» бөлүү-биле, ооң кол баштаңчызы Альберт Кувезинниң «Философ», «Чуртталгамның оруу» деп ырыларын чедиишкинниг боттандырган.

Чогаадыкчы кежээге, Тываның культура яамызы, республиканың уран-чүүл школазы болгаш В.М.Халилов аттыг күрүне филармониязының удуртулгазы, Моолдуң консульствозу база Дээди Хуралдың депутады Альберт Кувезин Ариунтуя Бат-Очирге байыр чедиргеннер.

ФИЛАРМОНИЯ в социальных сетях

mizhnarodniy logotip vk

yt logo

fb flogo blue broadcast 2

Устуу-Хурээ в социальных сетях

https://vk.com/ustuhure

уг логотип

фб flogo синий вещания 2

Instagram v051916 200

Филармония Контакты

 

Телефон: +7 (394-22) 2-15-20

E-mail: Этот адрес электронной почты защищён от спам-ботов. У вас должен быть включен JavaScript для просмотра.
Адрес: 667000, Республика Тыва, г. Кызыл,
ул. Щетинкина-Кравченко 58

Об использовании информации сайта

При цитировании или перепечатке материалов сайта, ссылка на www.tvgf.ru обязательна.
® 2011 - 2017 , ♪Тувгосфилармония им. В.М. Халилова♫

Яндекс.Метрика