logo s2

ФИЛАРМОНИЯ VK

 

 



Февраль 19-та, Тываның В.М.Халилов аттыг күрүне филармониязынга бир дугаар, шериг хөгжүмчү хүнүн демдеглээн база Ада-чурт Камгалакчыларының хүнү таварыштыр байырлыг концерт болган. Бо концерт, Тыва Чазактың үрер хөгжүм оркестри-биле 55 дугаар аңгы (даг) бригадазының шериглериниң оркестриниң каттышкан баштайгы көргүзүү.

Төөгү-биле алырга, 1711 чылдың февраль 19-та, таптыг-ла 306 чыл бурунгаар, Петр I-ниң чарлыы-биле, баштайгы шериг-хөгжүм корпустары тургустунган. Оон эгелээш бо хүннү, РФ-тиң чепсектиг күштериниң шериг-оркестр албанының- шериг хөгжүмчүнүң хүнү кылдыр санай берген. Амгы үеде, орус болгаш совет армияның шериг-оркестр албанының чаңчылдарын, Россия Федерациязының Чепсектиг күштер яамызы уламчылаан.

Байырлыг концертке Александр Халиловтуң «Дайын чылдарының ырылары темалыг попурри», орус армияның «Преображенск полугунуң марыжы», «Гренадер» деп шаандакы марш, Валерий Халиловтуң «Кызыл армейжи Сухов», «Адажио», Семен Чернецкийниң «Танкистер марыжы», Евгений Хавтанның «Ынакшыңар кыстар», Василий Агапкинниң «Славянка чарлыышкыны» деп уран-чогаадыгларын каттышкан оркестрлер күүсеткен.

Совет үениң уран-чүүлүнүң эң делгереңей хевири-ыры жанры. Ыры, фронтуга-даа, тылга-даа кижилерниң хей-аъды, чепсээ болуп турган. Дайын чылдарының болгаш амгы үениң билдингир «Синий платочек», «В землянке», «Вечер на рейде», «Темная ночь», «На безымянной высоте», «Катюша», «Идет солдат по городу» деп ырыларын, Тыва Республиканың улустуң артизи Софья Кара-оол, артистер Эртине Тумат, Владимир Копуш, Марина Климина, Владимир Михельсон күүсеткеннер.

Каттышкан оркестрлерни Тыва Республиканың алдарлыг артизи Тимур Дулуш, 55 дугаар бригаданың улуг лейтенантызы Петр Черников, В.Тока аттыг симфониктиг оркестрниң кол дирижеру Саян Салчак дирижерлаанар.

ФИЛАРМОНИЯ в социальных сетях

mizhnarodniy logotip vk

yt logo

fb flogo blue broadcast 2

Устуу-Хурээ в социальных сетях

https://vk.com/ustuhure

уг логотип

фб flogo синий вещания 2

Instagram v051916 200

Филармония Контакты

 

Телефон: +7 (394-22) 2-15-20

E-mail: Этот адрес электронной почты защищён от спам-ботов. У вас должен быть включен JavaScript для просмотра.
Адрес: 667000, Республика Тыва, г. Кызыл,
ул. Щетинкина-Кравченко 58

Об использовании информации сайта

При цитировании или перепечатке материалов сайта, ссылка на www.tvgf.ru обязательна.
® 2011 - 2017 , ♪Тувгосфилармония им. В.М. Халилова♫

Яндекс.Метрика