img 5305

Февраль 26-да, Тываның В.М. Халилов аттыг күрүне филармониязының сылдыстары, үнүп орар кызыл Дагаа чылын уткуп, оюн-тоглаалыг концертин чонга бараалгаткан. Шагаа бүдүүзүнде, үнүп олурар чылды алгап-мактаан, чыглып келген көрүкчүлерге эки күзээшкиннерлиг, оюн-тоглаалыг, шаңнал-белектерлиг кежээни эртирери филармонияның ажылдакчыларынга чаңчыл болуп, ам бо удаа, үш дугаар эртип турары бо. Кежээге көрүкчүлер хөй эвес-даа бол, классиктиг дириг хөгжүм мөгейикчилери барын бадыткап, артистерниң белеткеп алганы оюн-тоглаазынга идекпейлиг киржип, концертти улуг сонуургал-биле көргени, артистерге өөрүнчүг болган.

    Эртирикчилер, алды аңгы хевирниң мөөрейн эртиргеш, тиилекчилерге тыва аяктар, янзы-бүрү торгу-маңныктарны шаңнал кылдыр тывыскан. Үлегер домактар мөөрейинге 1-ги черни Оюмаа Монгуш, узун тынышка 1-ги черни Надежда Ховалыг, кожамыктарга Аяна Эрес-ооловна, дүрген чугаага Чимис Салчаковна, тевек теверинге бирги черни Жансен Ооржак, аът шалбадаарынга бирги черни Вячеслав Ооржак ап, шылгараанар.

    Концерттиң баштайгы чартыын, аныяк салгалдың артистери, дириг хөгжүм клувунуң хөгжүмчүлери Наиль Салчак, Павел Ударцев, Начын Чөреве, Алексей Ховалыг база билдингир «Хартыга» бөлүү уран-чаялгазын көргүскеннер. Концерттиң кол өзээ, В.Тока аттыг симфониктиг оркестр, билдингир классиктиг чогаалдарны күүседип, Россияның болгаш Тываның алдарлыг артизи Надежда Шойгу, Тываның улустуң артизи Софья Кара-оол, Тываның алдарлыг артизи Эльвира Докулак база билдингир аныяк артист Алексей Ховалыгның күүселдези-биле чараш ырыларны чонга бараалгаткан.

ФИЛАРМОНИЯ в социальных сетях

mizhnarodniy logotip vk

yt logo

fb flogo blue broadcast 2

Устуу-Хурээ в социальных сетях

https://vk.com/ustuhure

уг логотип

фб flogo синий вещания 2

Instagram v051916 200

Филармония Контакты

 

Телефон: +7 (394-22) 2-15-20

E-mail: Этот адрес электронной почты защищён от спам-ботов. У вас должен быть включен JavaScript для просмотра.
Адрес: 667000, Республика Тыва, г. Кызыл,
ул. Щетинкина-Кравченко 58

Об использовании информации сайта

При цитировании или перепечатке материалов сайта, ссылка на www.tvgf.ru обязательна.
® 2011 - 2017 , ♪Тувгосфилармония им. В.М. Халилова♫

Яндекс.Метрика